Ղեկավարվելով «Տեղական ինքնակառավարման մասին» Հայաստանի Հանրա­պե­տության օրենքի 18-րդ հոդվածԻ 1-ին մասի 33-րդ կետով, հաշվի առնելով Լոռու մարզպետի 18.10.2024թ. թիվ 01/107.4/08505-2024 գրությամբ ներկայացված՝ ՀՀ աշխարհագրական օբյեկտների անվանակոչումների և անվանափոխումների մասնագիտական հանձնաժողովի 2024 թվականի սեպտեմբերի 25-ի նիստի ընթացքում քննարկված «Աշխարհագրական անվանումների մասին» ՀՀ օրենքի 5-րդ հոդվածի շրջանակում Լոռի Բերդ համայնքի Յաղդան բնակավայրի անվանափոխման վերաբերյալ հանձնաժողովի և ՀՀ Կադաստրի կոմիտեի առաջարկությունը, ինչպես նաև հիմք ընդունելով 04.11.2024թ. Յաղդան բնակավայրում իրականացված հանրային քննարկումների արդյունքները՝

համայնքի ավագանին որոշում է.

1. Համաձայնություն չտալ՝ Հայաստանի Հանրապետության Լոռու մարզի Լոռի Բերդ համայնքի Յաղդան բնակավայրի անվանափոխության առաջարկի առնչությամբ:

2. Սույն որոշումն ուժի մեջ է մտնում ընդունման օրվանից: