Զեկ. ՄԱՐԳԱՐԻՏԱ ՀՈՎՍԵՓՅԱՆ

Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի  1-ինմասի 5-րդկետով և «Հայաստանի Հանրա­պե­տության բյուջետային համակարգի մասին» ՀՀ օրենքի 31-րդ հոդվածի և 33-րդ հոդվածի 3-րդ մասի  դրույթներով՝

համայնքի ավագանին որոշում է.

1. Հաստատել Հայաստանի Հանրապետության Լոռու մարզի Լոռի Բերդ համայնքի բյուջեն՝ համաձայն 1-5 հավելվածների:

2 .Հաստատել համայնքի 2026 թ. բյուջեի եկամուտները՝ համաձայն հավելված 1-ի:

3. Հաստատել համայնքի 2026թ. բյուջեի ծախսերը  ըստ բյուջետային ծախ­սե­րի գործառնական և տնտեսագիտական դասակարգման՝ համաձայն Հավելված 2-ի, 3-ի և 5-ի:

4. Հաստատել համայնքի 2026թ. բյուջեի տարեսկզբի ազատ մնացորդը՝ համաձայն Հավելված 4-ի

5. Սահմանել, որ.

1) ծախսերի ֆինանսավորումը կատարվում է փաստացի մուտքերի սահմաններում` պահպանելով ծախսերի համամասնությունը,

2) բյուջեի կատարման ընթացքում համայնքի ղեկավարը կարող է կատարել վերաբաշխումներ, որոնց հանրագումարը բյուջետային տարվա ընթացքում չի կարող գերազանցել տվյալ տարվա բյուջեի  15 տոկոսը:

6. Սույն որոշումն ուժի մեջ է մտնում պաշտոնական հրապարակմանը հաջորդող  օրվանից և տարածվում է 2026 թվականի հունվարի 1-ից ծագած իրավահարաբերությունների վրա: