| Նպատակ | Համայնքի զարգացման ծրագիրը համայնքի սոցիալ - տնտեսական իրավիճակի համալիր վերլուծության և առկա հիմնախնդիրների բացահայտման, ֆինանսական, տնտեսական, բնական և մարդկային ռեսուրսների գնահատման արդյունքում նպատակային զարգացման տեսանկյունից ձեռնարկվելիք քայլերի ամբողջությունն արտահայտող փաստաթուղթ է, որը ենթադրում և կանխատեսում է համայնքի հիմնախնդիրների արդյունավետ լուծում՝ համայնքի զարգացում, այլ կերպ ասած բավարարելով ներկայի կարիքները՝ առանց վնասելու գալիք սերունդներին: Լոռի Բերդ համայնքի 2018 - 2022թթ. Զարգացման ծրագրի նպատակն է սահմանել համայնքի տեսլականը, այդ տեսլականին հասնելու ռազմավարությունը և հիմնական նպատակները: Համայնքի զարգացման ծրագիրը մշակելիս հաշվի են առնվել համայնքի՝ արդեն իսկ համայնքի կազմում ընդգրկված 9 բնակավայրերի առկա ռեսուրսները, պարտավորությունները, երկրի տնտեսական, քաղաքական և սոցիալական առկա իրավիճակը:
|