Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետով և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, հաշվի առնելով աշխատակազմի ֆինանսատնտեսագիտական, եկամուտների հաշվառման և հավաքագրման երկրորդ կարգի մասնագետիպաշտոնը երկրորդ կարգի մասնեգետի պաշտոնի փոխարեն որպես առաջին կարգի մասնագետի պաշտոն սահմանելու, ինչպես նաև աշխատակազմի երկրորդ կարգի մասնագետի երկու թափուր պաշտոնից մեկը անվանացանկից հանելու առաջարկությունը. համայնքի ավագանին որոշում է.
1. Հաստատել Լոռի Բերդի համայնքապետարանի աշխատակազմի քաղաքական, հայեցողական, համայնքային ծառայության պաշտոններ զբաղեցնող և տեխնիկական սպասարկում իրականացնող անձնակազմի աշխատակիցների թվաքանակը, հաստիքացուցակը և պաշտոնային դրույքաչափերը՝ համաձայն հավելվածի:
2. Առաջարկել Լոռի Բերդ համայնքի ղեկավարին` մեկշաբաթյա ժամկետում սահմանված կարգով դիմել ՀՀ կառավարության լիազորված պետական կառավարման մարմին Լոռի Բերդ համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություն կատարելու առաջարկությամբ:
3. Ուժը կորցրած ճանաչել 2018թ. դեկտեմբերի 24-ի «Լոռի Բերդի համայնքապետարանի աշխատակազմի կառուցվածքը, քաղաքական, հայեցողական, համայնքային ծառայության պաշտոններ զբաղեցնող և տեխնիկական սպասարկում իրականացնող անձնակազմի աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին» թիվ 52-Ա որոշումը։
4. Սույն որոշումը ուժի մեջ է 2020 թվականի հունվարի 1-ից:
5. Սույն որոշումը համայնքային ծառայության անվանացանկի փոփոխության մասով ուժի մեջ է մտնում Հայաստանի Հանրապետության կառավարության լիազորած պետական կառավարման մարմնի կողմից Լոռի Բերդի համայնքապետարանի աշխատակազմի համայնքային ծառայության պաշտոնների անվանացանկում փոփոխություն կատարելու մասին իրավական ակտնուժիմեջմտնելուպահից: |