Սույնով ևս մեկ անգամ հորդորում ենք.
Գյուղատնտեսական նախապատրաստական աշխատանքների ընթացքում ազգաբնակչության կողմից իրենց պատկանող հողամասերի չոր խոտածածկի հրկիզման արդյունքում, հաճախ հրդեհը դուրս է գալիս վերահսկողությունից և տարածվում շրջակայքում` վնաս պատճառելով հարակից այգիներին, անտառներին և շինություններին, ուստի խնդրում ենք, որպեսզի առավել զգոնություն ցուցաբերեք հրկիզումները կանխելու նպատակով:
Միաժամանակ տեղեկացնում ենք, որ համաձայն «Մթնոլորտային օդի պահպանության մասին» ՀՀ օրենքի 21-րդ հոդվածի պահանջների արգելվում է այրել խոզանները, բուսական մնացորդներով ու չորացած բուսականությամբ տարածքները, վարելահողերի, արոտավայրերի ու խոտհարքների բուսականությունը գյուղատնտեսական, անտառամերձ, անտառային ու բնության հատուկ պահպանվող տարածքների հողերում, իսկ այրելու դեպքում մեղավորները «Վարչական իրավախախտումների վերաբերյալ» ՀՀ օրենսգրքի 85.2 հոդվածով կենթարկվեն վարչական պատասխանատվության:
Հարգանքներով` Լոռի Բերդի համայնքապետարան