BuildUp Lori ծրագրի նպատակն է հզորացնել Հայաստանում բիզնես էկոհամակարգը` բարձացնելով բիզնես գրագիտությունը, ապահովելով փորձի փոխանակում և ներգրավելով ներդրումներ փոքր և միջին ձեռնարկությունների համար։ Ծրագրի առաջին ցիկլը կիրականացվի Լոռի մարզում։ Ծրագրի միջոցով նախատեսվում է ստեղծել տեղական բիզնեսի, փորձառու մենթորների, ինչպես նաև տեղական և

միջազգային ներդրողների համագործակցության ցանց և նպաստել համանման պրակտիկայի և մշակույթի ձևավորմանը` ավելի հասանելի դարձնելով կապիտալի

ձեռքբերումը մարզային ձեռնարկությունների համար:

Ծրագիրը իրականցվում է «Հայաստանի բիզնես հրեշտակների ցանց» («ԲԱՆԱ») -ի կողմից։

Այն ՀՀ-ում ստեղծված առաջին և ամենաակտիվ հրեշտակ ներդրողների ցանցն է: Կազմակերպության առաքելությունն է կապ ստեղծել տեղական և միջազգալյին հրեշտակ

ներդրողների և հայ խոստումնալից գործարարների միջև: Իր գործուներության շրջանակներում «ԲԱՆԱ»-ն իրականացնում է բիզնես էկոհամակարգի բարելավման մի շարք ծրագրեր` բիզնես ինկուբատորներ, համաժողովներ, բութքեմփեր և ստարտափերի համար նախատեսված մի շարք ծրագրեր:

Ծրագրի մանրամասները ՓՄՁ-ների BuildUp Lori աքսելարացիոն ծրագրով նախատեսվում է ծրագրի բոլոր փուլերը հաղթահարած 12 ձեռնարկություններին տրամադրել անհատական մենթորություն՝ միտված բարելավելու բիզնես կարիքները, և փորձագիտական աջակցություն` միտված բարելավելու վերջիններիս բիզնես պրոցեսները, ֆինանսական պլանավորումը, փիթչինգի հմտություններն ու ներդրողներին ներկայանալու կարողությունները: Անհատական մենթորությունից բացի ընտրված ՓՄՁ-ների համար կկազմակերպվեն նաև դասընթացներ հետևյալ թեմաներով՝ ռազմավարական զարգացում, բիզնես պրոցեսների կառավարում, մարքեթինգ և վաճառքներ, ֆինանսական կառավարում, փիթչինգ և այլն: Ծրագրի շրջանակներում նախատեսվում է 10-շաբաթյա բիզնես դասընթացներ և անհատական մենթորություն, և այնուհետև Դեմո Օր, որի ընթացքում ծրագիրը հաջողությամբ ավարտած ձեռնարկությունները հնարավորություն կունենան իրենց

պրոդուկտները/ծառայությունները ներկայացնել պոտենցիալ գործընկերներին և ԲԱՆԱ-ի կողմից հրավիրված ներդրողներին։

Ծրագրի նպատակները

Ծրագրի հիմնական նպատակներն են`

● Աջակցել զարգացման հեռանկար ունեցող զբոսաշրջության, արտադրության և գյուղատնտեսական ոլորտներում գործունեություն ծավալող մարզային փոքր և միջին ձեռնարկություններին,

● Նպաստել ՓՄՁ-ների կարողությունների զարգացմանը՝ բիզնես պրոցեսների բարելավման, ֆինանսական պլանավորման, առաջխաղացման և փիթչինգի հմտությունների զարգացման ուղղություններով,

● Կապ ստեղծել մարզային ՓՄՁ-ների և տեղական և միջազգային ներդրողների ցանցի միջև։

Ծրագրի առավելությունները.

● Լոռու մարզի 12 ՓՄՁ-ների բարելավված բիզնես գիտելիքներ,

● Ընտրված 12 ՓՄՁ-ների բիզնես կապերի ընդլայնում,

● Ծրագրի արդյունքում ՓՄՁ-ների բիզնես հնարավորությունների զարգացում,

● Համագործակցություն փոքր և միջին ձեռնարկությունների և ներդրողների ցանցի միջև,

● Հնարավորության ընձեռում ընտրված ձեռնարկություններին ծանոթանալու նոր գործընկերների հետ,

● Ձեռնարկատիրական էկոհամակարգի բարելավում և զարգացում Լոռու մարզում։

Ովքեր կարող են դիմել.

Լոռու մարզում բիզնես գործունեություն ծավալող փոքր և միջին ձեռնարկությունները, զբոսաշրջության, արտադրության կամ գյուղատնտեսության ոլորտներից, որոնք ունեն.

● Զարգացման մեջ գտնվող արտադրանք/ծառայություն,

● Նպատակասլաց, աշխատասեր թիմ (առնվազն 2 անդամ),

● Հիմնադիրներ համապատասխան փորձառությամբ և հմտություններով (խնդիրների լուծմանը միտված, ռազմավարական մտածողություն, կազմակերպչական

հմտություններ և առաջնորդության պոտենցիալ)։

Հավելյալ տեղեկատվության համար`

buildup@bana.am

The EU4Business Initiative covers all EU support for small and medium-sized enterprises (SMEs) in the region of the Eastern Partnership which

brings together the EU, its member